Հայաստանի ամենախոշոր ՏՏ ընկերությունը ՝ «ՍոֆթԿոնստրակտ»-ը, 2025 թվականի առաջին եռամսյակում Հայաստանի խոշոր հարկ վճարողների ցանկում զբաղեցնում է 10-րդ հորիզոնականը:

Ընկերությունը վճարել է 4 մլրդ 113 մլն դրամի հարկ ու տուրք, որից 2,036,070,000 դրամ եկամտային հարկ` զբաղեցնելով առաջին տեղը եւ հանդիսանալով երկրի ամենամեծ աշխատավարձային բյուջե ունեցող ընկերություն:

««ՍոֆթԿոնստրակտ» ՓԲԸ-ի գործունեության հիմքում պատասխանատվությունն է, թափանցիկությունը եւ արդյունավետ կորպորատիվ կառավարումը։ Ընկերությունը ոչ միայն խոշոր հարկատու է, այլեւ կարեւոր դեր ունի Հայաստանի ՏՏ ոլորտի եւ տնտեսության զարգացման մեջ՝ ապահովելով հազարավոր աշխատատեղեր եւ ներդրումներ»,- ասվում է ընկերության հաղորդագրությունում: