Թարմացված է. 03.04.2025

«ՎՏԲ-Հայաստան Բանկ» ՓԲԸ-ն դարձել է ՎՏԲ միջազգային ֆինանսական խմբի անդամ 2004թ․-ի ապրիլին: Ներկայիս պահին «ՎՏԲ-Հայաստան Բանկ» ՓԲԸ-ի 100% բաժնետոմսերի փաթեթի միանձնյա բաժնետեր է հանդիսանում ՎՏԲ ՀԲԸ-ն:

ՀՀ Կենտրոնական Բանկի թիվ 64 լիցենզիա՝ տրված 20.06.2006թ.:

ՎՏԲ-Հայաստան Բանկն ունիվերսալ բանկ է, որը միաժամանակ զարգացնում է մանրածախ և կորպորատիվ բիզնեսները, նոր լուծումներ է ներկայացնում երկրի ֆինանսական շուկայի զարգացման համար։

Բանկն ունի մասնաճյուղային լայն ցանց, որն ընդգրկում է երկրի ողջ տարածքը։ Հաճախորդներին հասանելի է բանկի 53 մասնաճյուղ, 31 մասնաճյուղ գտնվում է մարզերում, մնացածը՝ Երևանում։ Ցանցը ներառում է 3 մասնագիտացված մասնաճյուղ՝ իրավաբանական անձանց սպասարկման համար, Private banking և Հիփոթեքային կենտրոն:

ՎՏԲ-Հայաստան Բանկը միակ ֆինանսական հաստատությունն է Հայաստանի Հանրապետությունում, որն ընդունում և սպասարկում է МИР վճարային համակարգի քարտեր:

Բանկը ակտիվորեն զարգացնում է POS-տերմինալների սեփական ցանցը, որոնք ընդունում են МИР վճարային համակարգի քարտերը, ներառյալ Ռուսաստանի բանկերի կողմից թողարկված քարտերը: MIR քարտեր ընդունող կետերի մասին մանրամասն տեղեկատվությունը կարելի է գտնել Բանկի կայքում՝ https://www.vtb.am/am/map#pos:

ՎՏԲ-Հայաստան Բանկը սպասարկում է Unistream համակարգը՝ տրամադրելով հաճախորդներին լայն հնարավորություններ ուղարկել և ստանալ փոխանցումներ դեպի Ռուսաստան և հակառակ ուղղությամբ:

2025թ․-ի մարտի 31-ի դրությամբ ՎՏԲ-Հայաստան Բանկն ունի ավելի քան 1000 աշխատակից: