Դիանա Կիգուրաձեն ստանձնել է Կովկասյան տարածաշրջանում ու Մոլդովայում Visa ընկերության տարածաշրջանային մենեջերի պարտականությունները։

Դիանա Կիգուրաձեն հաջողությամբ ղեկավարում է Visa-ի գործունեությունը Կովկասյան տարածաշրջանում եւ իր նոր պաշտոնում նա նաեւ կվերահսկի Visa-ի ռազմավարական նախաձեռնությունները Մոլդովայում՝ ներառյալ թվային փոխակերպման առաջխաղացումը, ֆինանսական հաստատությունների հետ գործընկերության ամրապնդումը եւ սպառողների համար վճարային նորարարական լուծումների հասանելիության ընդլայնումը։

«Մեծ պատիվ է ստանձնել այս  նոր դերը եւ ընդլայնված պարտականությունները։ Ես ուրախ եմ աշխատել Visa-ի թիմի հետ՝ նորարարական թվային տեխնոլոգիաները կյանքի կոչելու եւ նոր հնարավորությունների ստեղծմանն օգնելու հարցում՝ համագործակցելով Մոլդովայի մեր գործընկերների հետ։ Միեւնույն ժամանակ կշարունակեմ խթանել անվտանգ, արագ եւ հարմարավետ թվային վճարումների զարգացումը  եւ աջակցել ֆինանսական ներառականությանը Վրաստանում եւ Հայաստանում»,- ասել է Visa-ի Կովկասում եւ Մոլդովայում տարածաշրջանային մենեջեր Դիանա Կիգուրաձեն։